«Бег па лязе брытвы» / фотавыстава Мікалая Батвінніка

«Добра заўсёды мець пры сабе румяны. Можа здарыцца так, што пры абуджэнні ад сну выгляд у самурая будзе несамавіты. Тады варта злёгку нарумяніць твар», — сцвярджае адно з правілаў кнігі «Кодэкс Самураяў». Няма румянаў — пагаліся. І калі першая парада даволі спрэчная ў дачыненні да сучасных мужчын, то другая — звыклая практыка для большасці з іх. Кожны юнак імкнецца выявіць сваю маскуліннасць як мага раней пры дапамозе бацькавай брытвы ці станка для галення.