http://www.interfax.by/event/96600
Мастацкая галерэя "Універсітэт культуры" запрашае на выставу "Тэхна-арт. Альтэрнатыўная энергія". Гэта сумесны праект галерэі з Прадстаўніцтвам ААН у Рэспубліцы Беларусь, прысвечаны Міжнароднаму году ўстойлівай энергетыкі для ўсіх.
Восьмая выстава з серыі ўнікальнага праекта "Тэхна-арт", які стаў яркай і значнай з’явай культурнага жыцця сталіцы, прадставіць работы мастакоў, фатографаў, дызайнераў, скульптараў. Пад пільным поглядам творчага згуртавання паўстае праблема глабальнай энергетычнай бяспекі, якая вызначае не толькі тэмпы развіцця, але і выжыванне чалавецтва ў будучым. Рашэнне гэтай праблемы, няхай пакуль апасродкавана, праз мастацтва, падкажуць як масцітыя, так і маладыя беларускія мастакі.
Нягледзячы на тое, што сучасная цывілізацыя – гэта вынік узаемадзеяння многіх сфер жыцця грамадства, менавіта энергетыка з’яўляецца асноўным і ў той жа час самым слабым яго звяном. Наступствы "нечаканага знікнення" энергіі праявяцца імгненна, і маштабы страт будуць катастрафічнымі. Ужо зараз дэфіцыт энергіі і абмежаванасць паліўных рэсурсаў з усё нарастаючай вастрынёй паказваюць непазбежнасць пераходу да альтэрантыўных крыніц. Менавіта праблеме больш шырокага выкарыстання новых і ўзнаўляемых крыніц энергіі, а таксама тэхналогій скарачэння вугляродных выкідаў і паляпшенню экалагічнай сітуацыі на нашай планеце прысвечаны праект "Тэхна-арт. Альтэрнатыўная энергія".
На выставе прадстаўлены работы ў наступных напрамках: камп’ютарная графіка, лічбавае фота, відэа-арт, а таксама арт-аб’екты, жывапіс, скульптура.
Выстава будзе працаваць па 1 снежня 2012 года, з 11:00 да 19:00, выхадныя - нядзеля, панядзелак.
Читать полностью: http://www.interfax.by/event/96600
|